Սպորտ - Հայաստանի հանդբոլի ֆեդերացիան նոր նախագահ ունի

Երևանի «Կոնգրես» հյուրանոցի նիստերի դահլիճում անցկացվեց Հայաստանի հանդբոլի ֆեդերացիայի նախագահի արտահերթ ընտրություն: 40 պատվիրակներից ներկա էին 37-ը: Հայտնում է ՀԱՕԿ-ի մամուլի ծառայությունը:

Կոնֆերանսի նախագահ ընտրվեց Արամ Կարապետյանը: Նա ներկայացրեց ընտրությունների անցկացման կարգը: Առաջադրվեց երկու թեկնածու. Արսեն Խաչատրյանը և Հարություն Մելքոնյանը:

Նրանք ներկայացրին իրենց ծրագրերը: Ելույթներ ունեցան Մարկ Մելիքյանը, Արսեն Մխիթարյանը, Դերենիկ Գաբրիելյանը: Բաց քվեարկությամբ Հայաստանի հանդբոլի ֆեդերացիայի նախագահ ընտրվեց ֆիզիկական կուլտուրայի հայկական պետական ինստիտուտի մարզախաղերի ամբիոնի վարիչ, պրոֆեսոր Հարություն Մելքոնյանը:

Լրահոս

Ֆոտոռեպորտաժ

«Երևանյան գույներ»

Հարցումներ