Սպորտ - Շախմատի Հայաստանի հավաքականը տարավ երկրորդ հաղթանակը և առաջատարների թվում է

Բաթումիում ընթացող Համաշխարհային շախմատային օլիմպիադայի երկրորդ տուրում Հայաստանի հավաքականը մրցեց Ղազախստանի թիմի հետ: Արշակ Պետրոսյանի ղեկավարած թիմին հաղթանակ բերեց առաջատար Լևոն Արոնյանի հաղթանակը, որն առաջին տուրին չէր մասնակցել: Հայկական շախմատի առաջատարը սպիտակներով պարտության մատնեց Ռինատ Ջումաբաևին:

 

Հրանտ Մելքումյանը, Ռոբերտ Հովհաննիսյանը և Հայկ Մարտիրոսյանը պարտիաներն ավարտեցին ոչ ոքի:

 

Հայաստանի հավաքականը տարավ երկրորդ հաղթանակը և առաջատարների թվում է:

 

Երկրորդ հաղթանակն է տարել նաև կանանց Հայաստանի հավաքականը, որը 3:1 հաշվով պարտության է մատնել Ավստրիայի թիմին: Հաղթանակ են տարել Աննա Սարգսյանն ու Մարիա Կուրսովան: Լիլիթ Մկրտչյանն ու Սիրանուշ Ղուկասյանը խաղացել են ոչ ոքի:

 

Համաշխարհային օլիմպիադայում կանցկացվի 11 տուր:

Լրահոս

Ֆոտոռեպորտաժ

«Երևանյան գույներ»

Հարցումներ