Պաշտոնական - ՊԵԿ-ը թիրախավորում է խոշոր հարկ վճարողներին. հայտարարություն

Պետական եկամուտների կոմիտեն հայտնում է, որ արդյունավետ եւ հասցեական հարկային վարչարարություն իրականացնելու նպատակադրմամբ պայմանավորված ՀՀ ՊԵԿ հարկային վարչարարության թիրախ են հանդիսանում ներքին համակարգերի կիրառմամբ իրականացվող վերլուծության արդյունքներով ռիսկային գնահատված խոշոր հարկ վճարողները:

 

ՀՀ ՊԵԿ-ը հնարավորինս ձեռնպահ է մնում փոքր եւ միջին գործարարությամբ զբաղվող հարկ վճարողների մոտ հսկողական միջոցառումներ իրականացնելուց կամ վարչարարական այլ գործիքներ կիրառելուց: Փոխարենը՝ փոքր ու միջին գործարարությամբ զբաղվող հարկ վճարողների հետ իրազեկման եւ տեղեկացման գործիքակազմի կիրառմամբ կանխարգելիչ բնույթի աշխատանքներ են տարվում, որոնք հիմնականում առնչվում են կանխիկ գործարքների դիմաց հսկիչ դրամարկղային մեքենայի կտրոններ տրամադրելու, աշխատողներին սահմանված կարգով գրանցելու եւ գործարքների կատարումը սահմանված կարգով փաստա­թղթավորման՝ ՀՀ օրենսդրությամբ սահմանված պահանջների պահպանմանը:

 

Այնուամենայնիվ, եթե հարկ վճարողների մոտ առկա են այնպիսի փաստեր կամ տեղեկատվություն, որոնք հավաստում են այն մասին, որ ՀՀ պետական եկամուտների կոմիտեի կամ վերջինիս առանձին աշխատակիցների գործողությունները միտված են փոքր ու միջին հարկ վճարողների գործունեությանը անհիմն միջամտելուն կամ առկա են նաեւ նախկինում նման դեպքերի վերաբերյալ փաստեր կամ տեղեկատվություն, ապա ՀՀ պետական եկամուտների կոմիտեն առաջարկում է այդ մասին տեղեկացնել ՀՀ ՊԵԿ կազմակերպման եւ հսկողության վարչությանը հետեւյալ կոնտակտային տվյալներով.

 

1) Փոստային հասցե՝ ք. Երեւան, Կոմիտասի 35, 0051, ՀՀ ՊԵԿ կազմակերպման եւ հսկողության վարչություն,

 

2) Էլեկտրոնային հասցե՝ khv_taxservice@mail.ru

Լրահոս

Ֆոտոռեպորտաժ

«Երևանյան գույներ»

Հարցումներ