«Տեսակետ» մամուլի ակումբ - Մայիս

«Տեսակետ» մամուլի ակումբի հասցեն է` Արշակունյաց 2, Մամուլի շենք, 13-րդ հարկ

Մայիսի 17-ին, ժամը 11.00 «Տեսակետ» մամուլի ակումբի հյուրն է ԱԺ պատգամավոր Խոսրով Հարությունյանը (ՀՀԿ): Թեման՝ «Ներքին ու արտաքին քաղաքական վերջին զարգացումները. Նոր կառավարություն. գնահատականներ, ակնկալիքներ: ՀՀԿ-ի հետագա անելիքները»:

 

Ժամը 12.00 հյուրն է «Ունիսոն» ՀԿ ղեկավար Արմեն Ալավերդյանը: Թեման՝ «Նոր վարչապետ, նոր կառավարություն: Ինչ ակնկալիքներ ունեն հաշմանդամություն ունեցող անձինք՝ իրենց ուրույն խնդիրների լուծմանն ուղղված արվելիք քայլերի առումով: Բանախոսն առաջարկներ կանի կրթական, մշակութային և այլ ոլորտներում բարեփոխումներ իրականացնելու վերաբերյալ, ինչպես նաև կանդրադառնա հաշմանդամություն ունեցող անձանց աշխատանքով ապահովելու, մատչելի տրանսպորտի հետ կապված խնդիրներին և այլ հարցերի»:

 

Ժամը 13.00 հյուրն է նախիջևանագետ Արգամ Այվազյանը: Թեման՝ «Լույս են տեսել Ա. Այվազյանի «Գողթն. ազգագրական մասունքներ», «Կենսամատենագիտություն» և «Նամականի» գրքերը: Ինչ է փրկվել Նախիջևանի մշակութային ժառանգությունից, և դեռ որքան չլուսաբանված էջեր կան: Հայկական մասունքներն այսօրվա Նախիջևանում. ինչ է պահպանվել: Նոր կառավարություն. բանախոսի ակնկալիքները՝ մշակութային քաղաքականության փոփոխության առումով»:

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ