«Տեսակետ» մամուլի ակումբ - Շուշիի հաղթանակի արգասիքը հզոր բանակն է. Աստվածատուր Պետրոսյան

Մայիսյան տոների՝ Հայրենական Մեծ պատերազմին հայերի մասնակցության և Շուշիի ազատագրման մասին այսօր մամուլի ասուլիսի ընթացքում խոսեցին «Արծիվ մահապարտների միություն» ՀԿ ղեկավար, գեներալ-մայոր Աստվածատուր Պետրոսյանը և «Արևելք» վերլուծական կենտրոնի փորձագետ, պատմաբան Կարեն Սիրունյանը: Կարեն Սիրունյանը նախ անդրադարձավ Հայրենական մեծ պատերազմին և նշեց, որ մենք այդտեղ էլ ենք հաղթել:


«Դա նաև մեր ուժերով ձեռք բերված հաղթանակ է, չեմ փորձի սեփականաշնորհել հաղթանակը, բայց այն մեզ համար, իրոք, հայրենական էր, քանի որ մերոնք մեկնում էին ճակատ մտածելով, որ պաշտպանում ենք մեր հայրենիքի սահմանները»,-ասաց նա և նշեց, որ այդ հաղթանակը մեզ համար հոգեբանական մեծ նշանակություն ուներ՝ Ցեղասպանության բարդույթը մասամբ նաև այդ ժամանակ հաղթահարվեց:


Սիմոնյանի խոսքով՝ մայիսյան մյուս հաղթանակների մեջ այս հաղթանակը մեծ նշանակություն է ունեցել:


«Մեր սերունդը հաղթանակ կրող սերունդ է, ընդհանրապես, հաղթում է համերաշխությունը: Ուրախ եմ, որ մեր սերունդը չի մտածում, որ մենք փոքր ենք, ուժեղ չենք, քանի որ մենք դեռ շատ բան ունենք ապացուցելու: Մեզ պետք է ավելի մարտունակ և ավելի ուժեղ բանակ, ես կողմնակից եմ, որ մենք ունենանք և փայլուն դիվանագիտություն և փայլուն բանակ»,-ասաց նա և կարևորեց սեփական ռազմարդյունաբերության ստեղծումը, քանի որ բանակի հզորությունը կախված է տնտեսական պոտենցիալից:


Խոսելով Հայաստանում կատարվող ներքաղաքական իրադարձությունների մասին՝ պատմաբանն ուրախությամբ նշեց, որ հայ ժողովուրդը այստեղ համախմբվածություն ցուցաբերեց, որը, ընդհանրապես, արցախյան պատերազմից սկսած եղել է:


«Մենք ամբողջ աշխարհին ապացուցեցինք, որ հայը հայի վրա ոչ մի բարոյական և իրավական իրավունք չունի զենք բարձրացնելու: Սա մարտահրավեր է ուղված նաև Ադրբեջանին, մեր համախմբվածությունը ամենաուժեղ զենքն է»-ասաց նա:


Կարեն Սիրունյանը նշեց, որ այս իրադարձությունների արդյունքում միջազգային հարթակներում հայկական գործոնը բարձրացել է: Նա կոչ արեց եկող իշխանություններին փոփոխել մադրիդյան սկզբունքներով առաջնորդվող որևէ փաստաթուղթ:


Նյութն ամբողջությամբ

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ