«Տեսակետ» մամուլի ակումբ - «Եթե նույնիսկ ԸՕ-ն չփոփոխվի, ապա ՀՀ-ում ձևավորված մթնոլորտը թույլ կտա լուծել մեր առջև դրված խնդիրները». Արայիկ Հարությունյան

«Եթե նույնիսկ ԱԺ-ն ցրվի, դրա հետ կապված էլ լուծում ունենք։ Այն հանրային աջակցությունը, որ այս պահին ունի համաժողովրդական շարժումը, կարծում եմ՝ մեզ թույլ կտա լուծել ազատ ընտրություններ անցկացնելու հարցը՝ տոտալ վերահսկողության միջոցով՝ նույնիսկ ռեյտինգային համակարգի պայմաններում»,- այսօր լրագրողների հետ հանդիպման ընթացքում ասաց «Քաղաքացիական պայմանագիր» կուսակցության վարչության անդամ, Երևանի ավագանու «Ելք» խմբակցության անդամ Արայիկ Հարությունյանը։

 

Միևնույն ժամանակ, նա վստահ է՝ ձևավորվելու է նոր կառավարություն՝ ժողովրդի թեկնածուի գլխավորությամբ, և լինելու են օրենսդրական փոփոխություններ՝ Ընտրական օրենսգրքում. «Եթե նույնիսկ ԸՕ-ն չփոփոխվի, ապա ՀՀ-ում ձևավորված մթնոլորտը թույլ կտա լուծել մեր առջև դրված խնդիրները»։

 

Հարցին՝ իր կարծիքով՝ 10 հազար դրամների համակարգը հնարավո՞ր է արմատախիլ անել, նա պատասխանեց. «Կարծում եմ՝ այլևս ամոթալի է դարձել հանրության լայն շրջանակներում 10 հազար դրամի դիմաց ընտրություն կատարելը»։

 

Անդրադառնալով վերջին օրերին կազմակերպված ակցիաներին, նա նշեց, որ դրանք ինքնաբուխ են եղել. «Անձնական վիրավորանքները մեզ համար անընդունելի են, վենդետաներն անընդունելի են։ Սա սիրո և համերաշխության հեղափոխություն է, սա արժեհամակարգի փոփոխության հեղափոխություն է, և այդ համատեքստում անձնական վիրավորանքներն անընդունելի են»։

Նյութի աղբյուր՝ 168 ժամ

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ