«Տեսակետ» մամուլի ակումբ - Սոցիոլոգը թվերով է փաստում, որ Սերժ Սարգսյանին փոխարինող չկա, իսկ Արթուր Բաղդասարյանը, Րաֆֆի Հովհաննիսյանը կորել են քաղաքական դաշտից

Սոցիոլոգ Ահարոն Ադիբեկյանը ներկայացրեց այսօր «Ով ո՛վ է քաղաքական դաշտում. քաղաքական գործիչների հզորությունը, կշիռը և ազդեցությունը քաղաքական գործընթացների վրա» փորձագիտական հետազոտության արդյունքները:
 
 
Ըստ սոցիոլոգի՝ փաստորեն, եթե մենք ունեինք 100-ից ավել կուսակցություն՝ որոնցից գրանցված դեռ մնացել է 70-ը, հավակնություն կար, որ պետք է ունենանք մի մեծ դեմքեր, ովքեր հանդես են գալիս որպես քաղաքական տեսակետներ արտահայտող, տարբեր սոցիալական խմբերի շահերը պաշտպանող: Սակայն իրականում պայքարի մեջ են, և ակտիվություն են ցուցաբերում ընդամենը 8-10 կուսակցություն: 
 
 
Հետևապես այդ վերելակի սղությունը թույլ չի տալիս ունենալ բավական լայնածավալ ակտիվ քաղաքական դեմքերի բանակ, ու երբ ընտրություն լինի, կարողանանք ընտրել նրանցից լավագույնին: Ուստի, ըստ Ադիբեկյանի, մենք ընտրում ենք նրանց միջից, ովքեր կան, և արդեն տասնյակ տարիներ է, լուրջ փոփոխություներ չկան, թեև գործող նախագահը փորձում է թարմացնել կադրերը: 
 
 
Ըստ բանախոսի՝ մենք երկու ոլորտ ունենք, որտեղ գործող իշխանությունը պետք է իրեն ցուցադրի, առաջինը՝ ներքին տնտեսական հարցերն են, և երկրորդը՝ միջազգային հարաբերություններում Հայաստանի շահերը ներկայացնելու խնդիրը: 
 
 
Առաջին ոլորտում իր դիրքերը պահպանում է Կարեն Կարապետյանը, նրա հետ հույս 
է կապում ընտրողների 45%-ը, որ նա կարող է ինչ-որ բան բարեփոխել՝ հիմնվելով նրա վրա, որ նա եղել է ռուսական կազմակերպության, տնտեսական կապեր ապահովող միջազգային կառույցի ղեկավար, և կարող է օգտակար լինել ՀՀ համար: 
 
 
Հաջորդը տնտեսական հարցերով լիդերներից մնում է Սերժ Սարգսյանը, մոտ 35%-ի կարծիքով, ապա Գագիկ Ծառուկյանը՝ մոտ 20%, Արմեն Սարգսյանին կապում են տնտեսական հարցերով որպես լիդեր լինելու փաստի հետ հարցվողների 10%-ը:
 
 
Ըստ սոցիոլոգի՝ ինչ վերաբերում է արտաքին քաղաքականությանը, այստեղ Ս. Սարգսյանը մնում է անհասանելի: Հարցվողների 60%-ը գտնում է, որ նա ամենափորձառոու, ամենաճանաչված և ամենահեղինակավոր դեմքն է Հայաստանի արտաքին ոլորտներում: Ապա հաջորդում է Արմեն Սարգսյանը՝ մոտ 30%, Կարեն Կարապետյան՝ 15%, ՀՅԴ-ն միջազգային հարաբերություններում Հայ դատի հարցերով՝ 10%, Գագիկ Ծառուկյանին՝ 5%-ը, որոշ կապեր ունենալու համար Բելառուսի, ՌԴ բիզնես ոլորտի հետ:
 
 
Ըստ սոցիոլոգի՝ դաշտից դուրս են եկել, անհետացել են ՕԵԿ առաջնորդ Արթուր Բաղդասարյանը, Կոնգրեսի առաջնորդ Լևոն Տեր-Պետրոսյանը, Րաֆֆի Հովհաննիսյանը, և պարզ չէ, նրանք կվերադառնան, թե՝ ոչ: 
 
 
Սակայն նոր սերունդ չի գալիս, որը կկարողանա փոխարինել նախկին առաջնորդներին: Շարմազանովը մնում է խոսնակի կարգավիճակում: Սա կարող է ապագայում հանգեցնել կադրերի պակասորդի: 
 
 
Ըստ սոցիոլոգի, այս միտումը միայն Հայաստանում չէ, որ դիտվում է: Օրինակ, ոչ ոք 50 տարի առաջ չէր պատկերացնի, որ Թրամփի նման դեմքը կարող է դառնալ ԱՄՆ նախագահ, որովհետև ոչ մի ավանդական չափանիշներով նա չէր համապատասխանում: Բայց նա ընտրվեց, որովհետև թարմություն էր պետք:
 
 
Վերադառնալով Հայաստանի ներքաղաքական դաշտին, բանաոսը շեշտեց, որ ընդդիմադիր դաշտը դատարկ է: Չկա թիմ, չկա ֆիննանսական հզորություն, կազմակերպչական ներուժ և այլն:
 
 
Անուշ Կրկյաշարյան
 

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ