«Տեսակետ» մամուլի ակումբ - Տրամաբանությունն այն է, որ Սերժ Սարգսյանը պետք է լինի վարչապետ, ինչից հետո ժառանգորդի համար պայքարն ավելի կատաղի կդառնա. Կարեն Քոչարյան (տեսանյութ)

Քաղտեխնոլոգ Կարեն Քոչարյանն արձանագրում է՝ վարչապետի՝ ապրիլին սպասվող ընտրություններին զուգահեռ բավական լուրջ պայքար է սկսել ներիշխանական ժառանգորդի համար:

 

«Տրամաբանությունն այն է, որ Սերժ Սարգսյանը պետք է լինի վարչապետ և դրանից հետո կսկսի «ժառանգորդ օպերացիա» պայքարը: Արդեն երևում է պայքարը և այն ավելի կատաղի կդառնա»,-ասաց նա՝ առանց անուններ նշելու, թվարկելով ներիշխանական տարբեր խմբավորումներին:

 

«Դա ՀՀԿ-ի հին գվարդիան է, երիտասարդներ են, ՀՀԿ-ի արևմտամետ ու ռուսամետ թևերը, օլիգարխիկ և քաղաքական թևերը, այնքան թևեր կան, որոնք խաչվում են և տարբեր առիթներով ունենում են պրոբլեմներ: Երբ կա ուժեղ ընդդիմություն, պայքարն ընդդիմության դեմ կոնսոլիդացվում է, բայց եթե ընդդիմությունը շատ թույլ է, թևերի ակտիվությունը ցայտուն է երևում, այսինքն՝ սուրբ տեղը դատարկ չի մնում»,-ասաց նա:

 

Ըստ Կարեն Քոչարյանի՝ առաջին ազդակը, որ պետք է Սերժ Սարգսյանը լինի վարչապետ այն էր, որ Արդարադատության նախարարությունը նոյեմբերին ներկայացրեց Անվտանգության խորհրդի նոր կառուցվածքը, որի նոր կազմում առաջին փոխվարչապետ է լինելու: «Այդ պահից սկսած բոլոր օրենքները գրվել են այդ սկզբունքով և տրամաբանությունը տանում է նրան, որ պետք է լինի Սերժ Սարգսյանը»,-ասաց նա:

 

«Բոլորս էլ գիտենք, որ Սերժ Սարգսյանը սիրում է անակնկալներ, և չի բացառվում, որ վերջին պահին այլ թեկնածու առաջադրվի, թեև գործողությունների տրամաբանությունը հուշում է` ինքն է լինելու»,-ասաց նա:

 

Թե ինչու այդ դեպքում Սերժ Սարգսյանը հայտարարեց, որ խորհրդարանական երկիր դառնալու դեպքում չի առաջադրվի որպես վարչապետ, քաղտեխնոլոգը նշեց. «Քաղաքականության մեջ փոխվել է իրադրությունը, և հիմնական այդ բացատրական քարոզչությունը տարվում է այնպես, որ օբյեկտիվ հիմքեր ունեն ապրիլյան պատերազմից հետո, քանի որ առաջնայինը անվտանգության խնդիրներ են, իսկ այդ խնդիրներում իրենից լավ գործիչ չունեն:

 

Համոզված եմ, որ երբ 2014թ-ին Սերժ Սարգսյանն ասել է, որ ինքը չի լինելու, ինքը համոզված է եղել, որ չի լինելու։ Պարզապես, իրոք, ինչ-որ բաներ են փոխվել, ենթադրենք, չի գտել այն մարդուն կամ իր համար պարզել է, որ չի կարող, սա չի այն մարդը։ Ինքը ժամանակ է ձգում: Համոզված եմ դրանում, որովհետև ո՞վ էր խնդրում իրեն 2014թ.-ին նման հայտարարություն անել, էլի կարող էր փոխել և չասել, իմաստը ո՞րն էր»։

 

Ավելին` Քոչարյանը համոզված է, որ վարչապետի թեկնածու պատրաստելու համար նախատեսված մարդկանց թվում էր Արմեն Սարգսյանը, երբ 2013թ-ին նրան դեսպան նշանակեցին, արդեն այդ մասին կանխատեսումներ եղան:

 

«Ես ենթադրում եմ, որ Սերժ Սարգսյանն ունեցել է և՛ Արմեն Սարգսյանին, և՛ Կարեն Կարապետյանին այն ժամանակ, երբ հայտարարել է, միգուցե մի քանի թեկնածու են եղել, որոնց պետք է փորձարկեր վերջնական իշխանությունը փոխանցելու համար, բայց այս պահի դրությամբ չի փոխանցում»,-ասաց նա:

 

Ինչ վերաբերում է ընդդիմադիր «Ելք»–ի թևերից «Քաղաքացիական պայմանագրի»  հայտարարություններին, որ Սերժ Սարգսյանի առաջադրման պարագայում փողոցային պայքար կսկսեն, Կարեն Քոչարյանը նշեց, որ  «Ելքը» ընդդիմության անվիճելի լիդեր դառնալու խնդիր ունի և այդ ձևով փորձում են ձևավորել իրենց քաղաքական օրակարգը:

 

 

Tert.am

Օգոստոսի 3-ին, ժամը 12.00 Տուրիզմի հայկական ինստիտուտում (հասցեն՝ Երվանդ Քոչար 12/1, հեռ.՝ 010 520-530, 010 583-229, 010 550-536, 091 22-66-26) տեղի կունենա «Հայկական տուրիզմի զարգացման տեսլականը, ներկան, ապագան, խնդիրները և լուծման ուղիները» թեմայով մամուլի ասուլիս, որի բանախոսներն են Տուրիզմի հայկական ինստիտուտի ռեկտոր, տուրիզմի փորձագետ Ռոբերտ Մինասյանը, Տուրիզմի հայկական ֆեդերացիայի նախագահ Մեխակ Ապրեսյանը, «Ավարայր» տուրիստական ընկերության տուրօպերատոր, Տուրիզմի հայկական ինստիտուտի դասախոս Գոհար Մկրտչյանը և Տուրիզմի հայկական ինստիտուտի «Մետաքսի ճանապարհ» ամբիոնի վարիչ Տիգրան Բաբայանը: ԶԼՄ ներկայացուցիչներին սիրով հրավիրում ենք լուսաբանելու:

Օգոստոսի 3-ին, ժամը 12.00 Տուրիզմի հայկական ինստիտուտում (հասցեն՝ Երվանդ Քոչար 12/1, հեռ.՝ 010 520-530, 010 583-229, 010 550-536, 091 22-66-26) տեղի կունենա «Հայկական տուրիզմի զարգացման տեսլականը, ներկան, ապագան, խնդիրները և լուծման ուղիները» թեմայով մամուլի ասուլիս, որի բանախոսներն են Տուրիզմի հայկական ինստիտուտի ռեկտոր, տուրիզմի փորձագետ Ռոբերտ Մինասյանը, Տուրիզմի հայկական ֆեդերացիայի նախագահ Մեխակ Ապրեսյանը, «Ավարայր» տուրիստական ընկերության տուրօպերատոր, Տուրիզմի հայկական ինստիտուտի դասախոս Գոհար Մկրտչյանը և Տուրիզմի հայկական ինստիտուտի «Մետաքսի ճանապարհ» ամբիոնի վարիչ Տիգրան Բաբայանը: ԶԼՄ ներկայացուցիչներին սիրով հրավիրում ենք լուսաբանելու:

Հուլիսի 30-ին, ժամը 11.00 «Տեսակետ» մամուլի ակումբի հյուրերն են ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը, Զորաց քարեր/Քարահունջ պատմամշակութային արգելոցի հնավայրում պեղումներ իրականացնող հնագիտական արշավախմբի ղեկավար Աշոտ Փիլիպոսյանը և «Բնօրրան» ՀԿ տնօրեն Հռիփսիմե Հարությունյանը: Թեման՝ «Բնօրրան» պատմամշակութային ՀԿ-ը նախաձեռնել է քննարկումներ/բանակցություններ ՀՀ Հնագիտության և ազգագրության ինստիտուտի տնօրեն, պգդ․, պրոֆեսոր Պ. Ավետիսյանի, և Քարահունջում պեղումներ իրականացնող արշավախմբի ղեկավար, պգդ․, պրոֆեսոր Ա. Փիլիպոսյանի հետ։ Նպատակն է՝
կողմերի միջև ստեղծել համագործակցության նոր միջավայր, երկուստեք բացառել ծայրահեղության ցանկացած դրսևորում,
առկա խնդիրների վերհանման ու լուծումներ մշակելու հարցում մեկտեղել ջանքերը։ Ի՞նչ կետեր է պարունակում քննարկումների արդյունքում ստորագրված արձանագրությունը, որո՞նք են արձանագրությունը ստորագրողների հետագա քայլերն ու ծրագրերը»:

Ասուլիսին ներկա կլինի նաև Քարահունջն ուսումնասիրող անկախ հետազոտող Վաչագան Վահրադյանը:

Կից ներկայացնում ենք արձանագրության պատճենը, լրագրողներին խնդրում ենք անպայման ծանոթանալ:

Հուլիսի 29-ին, ժամը 11.00 «Տեսակետ» մամուլի ակումբում տեղի կունենա փաստաբան Լևոն Բաղդասարյանի ասուլիսը՝ ՄԻԵԴ վերջին որոշումների և դատարաններում տիրող իրավիճակի վերաբերյալ»։

 

Ժամը 12.00 հյուրն է MHS հոգեկան առողջության կենտրոնի տնօրեն, Մ. Հերացու անվան ԵՊԲՀ հոգեբուժության ամբիոնի դասախոս Արամ Հովսեփյանը: Թեման՝ «Սեռական բռնություն. ի՞նչ մակարդակի է հասնում դրա տարածվածությունը Հայաստանում, ինչու՞ է հատկապես վերջին շրջանում մեծ աղմուկ բարձրացել այս թեմայի շուրջ, և որքանո՞վ է հիմնավորված աղմուկը: Հոգեբանական ի՞նչ խնդիրների առջև են կանգնում բռնության ենթարկված անձինք, և հնարավո՞ր է արդյոք նրանց հոգեկան հավասարակշռության լիակատար վերականգնումը: Ոլորտին վերաբերող այլ հարցեր»: 

 

Լրահոս

Ֆոտոռեպորտաժ

«Երևանյան գույներ»

Հարցումներ