«Տեսակետ» մամուլի ակումբ - ՀՀ անվտանգության միակ երաշխավորը սահմանին մնում է ՌԴ-ն, հատկապես այն բանից հետո, երբ հայտարարեց, թե ունի միջուկային զենք

ՌԴ նախագահ Վլ. Պուտինի հայտարարությանը առ այն, որ Ռուսաստանը ունի միջուկային զենք և այն կկիրառի, եթե իր դեմ նման զենք կիրառեն, հետևեց հաջորդ հայտարարությունը որպես ՀԱՊԿ անդամ երկիր առ այն, որ եթե տարածաշրջանում ստեղծվի էսկալացիոն իրավիճակ, նա առաջինը կարձագանքի՝ նպատակ ունենալով պահպանել ՀԱՊԿ անդամ երկրների անվտանգությունը: Տեսակետ լրատվականը զրուցել է քաղտեխնոլոգ Վիգեն Հակոբյանի հետ, պարզելու՝ արդյոք այս հայտարարությունը իր մեջ ուղիղ սպառնալիք էր պարունակում Ադրբեջանի հանդեպ:

 

- Պրն. Հակոբյան, կարելի է հասկանալ, որ ՌԴ-ն մեսիջներ է ուղղում Ադրբեջանին նրա ագրեսիվությունը սաստկելու նպատակով:

- Ես կասեի, որ այդ հայտարարությունը ոչ թե ըննդեմ էր Ադրբեջանին, այլ ի շահ և ի օգուտ իր ռազմական դաշնակիցներին, նրանց հանգստության ապահովման համար: Ռուսաստանը այսպիսով ևս մեկ անգամ ամրապնդեց իր դիրքորոշումը, որ եթե իրավիճակը իսկապես բարդանա տարածաշրջանում, Ռուսաստանը կարող է և կպաշտպանի իր ռազմաքաղաքական դաշնակիցներին:

 

- Այսօր ՀԱՊԿ երկրներից կարծես միայն Հայաստանը և Արցախը (հետևապես) ունեն անվտանգության ապահովման խնդիր սահմանին: Այսինքն դա ուղղված էր հենց Հայաստանի՞ն:

 

- Ինչ-որ չափով, այո: Ադրբեջանը կարող է սա իր դեմ ուղղված հայտարարություն համարել՝ ի շահ Հայաստանի, քանի որ Ղրղզստանը և Ղազախստանը դժվար թե նման անվտանգության երաշխավորման կարիք ունենան: Սակայն առաջնային մեսիջն էր, որ այն ռազմական հզորությունը, որն ունի այսօր Ռուսաստանը, ինչ-որ չափով նաև իր դաշնակիցներինն է:

 


 

Կրկյաշարյան Անուշ

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ