«Տեսակետ» մամուլի ակումբ - Նալբանդյան-Մամեդյարով հանդիպումից ակնկալիքներ չունեմ. Թևան Պողոսյան. panorama.am

Քանի դեռ ղարաբաղյան պատերազմը չի ավարտվել, հակառակորդից պետք է ամեն ինչ սպասել: Թշնամին չի փոխում իր վարքագիծը, նա իր բոլոր ֆինանսական միջոցները ներդնում է, որպեսզի հակամարտությունը լուծվի պատերազմական ճանապարհով, և հայ ազգը տարածաշրջանից թողնի, հեռանա: Լրագրողների հետ այսօր կայացած հանդիպման ժամանակ այս մասին ասաց «Մարդկային զարգացման միջազգային կենտրոնի» նախագահ Թևան Պողոսյանը:

 

«Մենք պետք է փոխենք մեր մարտավարությունը և ռազմավարությունը, այլապես հակառակորդն ամեն օր փորձելու է վնասել մեզ: Բանակը պետք է ամեն վայրկյան պատրաստ լինի Ադրբեջանին սանձելու: Մենք պետք է գիտակցենք, որ սադրանքներ կարող են լինել և նախահարձակ լինելով՝ կանխենք դրանք»,- ասաց նա՝ հավելելով, որ հայկական կողմը պետք է պատրաստ լինենք տարբեր սցենարների:

 

Անդրադառնալով Նալբանդյան-Մամեդյարով՝ այսօր կայանալիք հանդիպման թեմային՝ Թևան Պողոսյանը շեշտեց՝ ինքն այս հանդիպումից ակնկալիքներ չունի: Ավելին, ակնկալիքներ կունենա, երբ հանդիպումները եռակողմ լինեն՝ Արցախի մասնակցությամբ:

 

«Եթե Ադրբեջանը զենք է գնում, նշանակում է՝ մի օր կրակելու է: Զենք չի գնել, որ նայի դրան ու հիանա: Ապրիլյան պատերազմի զոհերը մեզ պետք է դաս լինեն: Եթե չենք ցանկանում, որ էսկալացիա լինի, ուրեմն՝ պետք է թույլ չտանք: Մենք չպետք է հանգիստ լինենք, որ պատերազմն ավարտվել է: Մենք պետք է մշտապես շտապենք»,- ասաց բանախոսը:

 

 

Նյութի աղբյուր

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ