«Տեսակետ» մամուլի ակումբ - 1990թ.-ից առ այսօր ՀՀ–ում 460,000 կին դիմել է հղիության արհեստական ընդհատման. Ա. Ադիբեկյան

1990 թ.-ից առ այսօր Հայաստանում հղիացել է մոտ 1,660,000 կին, որից 1,200,000 հազարը ծննդաբերել են, իսկ 460,000–ը դիմել են հղիության արհեստական ընդհատման: Այս մասին այսօր՝ բնակչության համաշխարհային օրվան ընդառաջ լրագրողների հետ զրույցում ասաց սոցիոլոգ Ահարոն Ադիբեկյանը:

«Բոլոր դեպքերում, մենք այս տարիների ընթացքում մոտ կես մլն մարդ չի ծնվել: Եթե մեզ մոտ աբորտն արգելեն, դա չի նշանակում, որ մարդու իրավունքների խախտում կլինի, ուղղակի դա մտահոգություն է, որ ընտանիքը պլանավորի երեխաների ծնունդը և կանայք հետևեն իրենց առողջությանը»,- նշեց Ադիբեկյանը:

Սոցիոլոգի խոսքով՝ այս ցուցանիշի մեջ ներառված չեն մանկական մահացությունները և հետագա խնդիրները: Ըստ նրա՝ հայերը կրճատվող ազգ են: Եթե 1990 թ. մեկ կնոջը գալիս էր 2.2 երեխա, հիմա այդ ցուցանիշը 1.7 է:

«Վերջին 10 տարիներին մեզ մոտ ամեն տարի ծնվում է մոտ 40,000 երեխա: Դա նշանակում է, որ եթե երխաները դառնան մեր հասակի, Հայաստանում լավագույն դեպքում կապրի 1,8 մլն փոքր էթնոս ժողովուրդ: Իսկ Հայաստանում այսօր պետք է ապրեր 5 մլն մարդ՝ եթե նկատի ունենանք ներգաղթը Ադրբեջանից, Սիրիայից, Ջավախքից, և եթե ծնելիության մակարդակը պահպանվեր»,- հայտնեց նա:

Հայաստանում  երիտասարդների ճակատագրի հետազոտությունը ցույց է տալիս, որ եթե նախկինում քաղաքի բնակիչները 2-3 երեխա էին պլանավորում ունենալ, իսկ գյուղաբնակները՝ 3-4, ապա հիմա այն կրճատվել է՝ դառնալով 1-2 երեխա: 

Որպեսզի Հայաստանում ծնելիության աճ լինի պետք է յուրաքանչյուր կնոջը նախկինի նման հասնի 2.2 երեխա: Ըստ սոցիոլոգի՝ ծնելիության մակարդակի նվազմանը պատճառներն են՝ հարսնացուների և փեսացուների ծերացումը, ամուսնությունների թիվը, արտագաղթը:

Ադիբեկյանի տեղեկացմամբ՝ հայերը բացի Հայաստանից, ապրում են նաև աշխարհի 105 երկրում: Հայերի թվաքանակը ամբողջ աշխարհում 11 մլն է, որը բավականին հիմնավորված թիվ է: 11 մլն հայերի 80 տոկոսն ապրում է 6 երկրում: 

Հայերենով խոսում են 6-7 մլն իրենց հայ համարող մարդիկ: Իսկ Հայոց լեզուն օգտագործման առումով աշխարհի 7000 լեզուներից 50-րդն է՝ հաշվի առնելով ինտերնետը, գրականությունը, գիտական աշխատանքները և խոսողների թիվը:

 

 

 

Նյութը՝ tert.am-ի

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ