«Տեսակետ» մամուլի ակումբ - Պեղումներ են նախապատրաստվում Արցախի Վաճառ բնակավայրի Սուրբ Ստեփանոս դամբարանում. Համլետ Պետրոսյան

Պեղումներ են նախապատրաստվում Վաճառի Սուրբ Ստեփանոս դամբարանում: Այս մասին այսօր լրագրողների հետ զրույցում հայտնեց հնագետ, արշավախմբի ղեկավար Համլետ Պետրոսյանը: Վերջինս ասաց, որ դամբարանում սպասվելիք պեղումների արդյունքում ակնկալում են գտնել արևելյան մուտք, որն առկա է քրիստոնեական բոլոր կառույցներում:

 

«Քրիստոնեական բոլոր կառույցները արևմուտքից արևելք են: Եթե եկեղեցին, մատուռը, դամբարանն ունենում են մեկ մուտք, ապա դա լինում է արևմուտքից և քրիստոնյան շարժվում է արևմուտքից արևելք, որովհետև արևելքից է սպասվում Քրիստոսի երկրորդ գալուստը, հոգիների փրկությունը»,- ասաց նա:

 

Վաճառը, Համլետ Պետրոսյանի խոսքով, Գանձասարից մի փոքր ներքև տեղակայված բնակավայր է, որը 12-ից 13-րդ դարերում առևտրական խոշոր կենտրոն է եղել, ուստի կոչվել է Վաճառ:

 

«Վաճառի Սուրբ Ստեփանոսի մատուռը միայն արևելյան մուտք ունի: Արցախի տարածքում արևելյան մուտքով դամբարանների պեղումները ակտուալ են դարձել: Մենք մոտավորապես կարող ենք ասել, որ այդ ամենը ստեղծվել է 5-րդ դարում, որի նախաձեռնողը եղել է Վաչագան բարեպաշտ արքան»,- ասաց նա:

 

Պետրոսյանն ասաց, որ դամբարանը քրիստոնեական է:

 

 

Նյութի աղբյուր

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ