«Տեսակետ» մամուլի ակումբ - Ադրբեջանը ցանկանում է նոր գործողությունների դիմել. Ազատամարտիկ

Ադրբեջանը ցանկանում է ինչ-որ նոր գործողությունների դիմել։ Այս մասին մայիսի 22-ին լրագրողների հետ հանդիպման ժամանակ ասել է ազատամարտիկ Վահան Բադասյանը։

 

Նրա խոսքով՝ Ադրբեջանը շարունակում է իր նախկին քաղաքականությունը։ Վերջին օրերին, համաձայն ազատամարտիկի, արցախյան հակամարտության գոտու շփման գծում անցյալ տարվա ապրիլյան իրադարձություններից հետո տեղի ունեցան առաջին լարված գործողությունները։ «Ադրբեջանը կորցնում է վստահությունը, եւ ԵԱՀԿ Մինսկի խմբի համանախագահները դա տեսնում են։ Եկավ պահը, երբ նրանք արդեն բաց, հասցեագրված հայտարարություններով են հանդես գալիս։ Մենք պետք է այնպես անենք, որ Ադրբեջանը հույսը չդնի մեր համբերատարության վրա։ Նրանք պետք է վախենան մեզանից եւ հարգեն»,-նշել է Բադասյանը։ Ըստ նրա՝ Հայաստանի իշխանություններն այսօր վախենում են՝ կարծելով, թե Ադրբեջանը ռազմական առավելություն ունի։ «Ռազմական տեխնիկայի առավելությունը 1990-ականներին մի քանի անգամ ավելի էր, քան հիմա»,-հավելել է Վահան Բադասյանը։

 

Հիշեցնենք, որ մայիսի 18-ին ԵԱՀԿ Մինսկի խումբը հանդես է եկել հայտարարությամբ, որտեղ մասնավորապես ընդգծվում է. «Բազմաթիվ հավաստի աղբյուրներից հավաքված տեղեկատվության համաձայն, Ադրբեջանը մայիսի 15-ին շփման գծում հրթիռ է արձակել՝ ոչնչացնելով ռազմական տեխնիկա։ Մայիսի 16-ի երեկոյան եւ հաջորդ օրը հայկական զինված ուժերը պատասխանել են տարբեր տրամաչափի ականանետային կրակահերթերով։ Երկու կողմերի նման գործողությունները հրադադարի ռեժիմի զգալի խախտում եւ տագնապի առիթ են»։

 

 

 

 

Նյութը news.am-ի

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ