«Տեսակետ» մամուլի ակումբ - Ղարաբաղյան հարցում բանակցային ոչ մի պրոցես չի գնում, ու ադրբեջանցիք մեղավոր են. քաղաքագետ

«Ղարաբաղյան հարցում բանակցային ոչ մի պրոցես չի գնում, ու ադրբեջանցիք մեղավոր են»,-այսօր լրագրողների հետ հանդիպմանն ասաց քաղաքագետ Ստեփան Գրիգորյանը:

 

Ըստ նրա՝ սխալ ենք նաև մենք, երբ տեսնելով, որ Ադրբեջանը կյանքի չի կոչում Վիեննայի պայմանավորվածությունները, գնում ենք հանդիպման:

 

«Ես համարում եմ, որ պետք չի մոտակա ժամանակներում հանդիպել ադրբեջանցիների հետ ոչ մի ֆորմատով: Սա մեզ թուլացնում է, իրենք հարյուր տոկոսով համոզված են, որ եթե Ռուսաստանը մեզ լրջորեն ճնշի, մենք զիջման կգնանք: Ի՞նչ ստացանք վերջին հանդիպումից, հերթական սպանված զինվորն ստացանք»,-նշեց նա:

 

Ստեփան Գրիգորյանի խոսքով՝ Ադրբեջանը վերածվում է կիսաֆաշիստական երկրի, ինչի համար ինքը ցավում է, քանի որ այնտեղի ժողովուրդը նորմալ ժողովուրդ է. «Սրանից հասարակ քաղաքացին է տուժում»: Խոսելով Վալերի Պերմյակովի գործից՝ Ստեփան Գրիգորյանն ընդգծեց, որ իր համար կարևորն այն չէ, որ հանցագործը պատիժը, դատարանի որոշմամբ, ՌԴ-ում է կրելու. «Գլխավորն այն է, որ խորությամբ չուսումնասիրվեց, թե Պերմյակովն ում հետ իր գործն արեց: Ակնհայտ է, որ ֆիզիկապես ինքն այնքան թույլ էր, որ միաժամանակ չէր կարող 6 հոգու սպանել, միայնակ ավտոմատը կրելով հասնել սահման: Շատ վատ է, որ Ռուսաստանն ու Հայաստանը չփորձեցին խորանալ, որպեսզի չվատանան հարաբերությունները, բայց եթե այդ մարդը մենակ չէր, ուրեմն ինչ-որ խումբ էր գործում: Միգուցե ռուսական բանակում ինչ-որ խմբեր կան, որ մեր դեմ են, աղանդներ են, Ադրբեջանի կողմից կաշառված մարդիկ են, հազար ու մի տարբերակ կարող է լինել»,-ասաց քաղաքագետը:

 

Նյութի աղբյուր՝ http://henaran.am/282513.html#sthash.jdnqnCKO.dpuf

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ