«Տեսակետ» մամուլի ակումբ - Թուրքիան մտադիր է Նախիջևանում ռազմաբազա ստեղծել՝ առաջարկելով Ադրբեջանին ավելի խորացնել համագործակցությունը. Արման Նավասարդյան. Թերթ

Արտակարգ և լիազոր դեսպան Արման Նավասարդյանն այսօր լրագրողների հետ զրույցում անդրադարձավ տարածաշրջանում տեղի ունեցող զարգացումներին՝ թուրք-ադրբեջանական ռազմախաղեր, Էրդողանի մայիսի 3-ին նախատեսված այց Մոսկվա և թուրք-ադրբեջանական վերլուծական հրապարակումներ, և հայտարարեց, թե Թուրքիան մտադիր է Նախիջևանում ռազմական բազա բացել:

«Թուրքական քաղաքական միտքն իր տեսակի մեջ մեսիջ է ուղարկում առաջին հերթին ՀՀ-ին և նրա հովանավորին՝ ՌԴ-ին: Ասվում է այն մասին, որ քանի որ ՀՀ-ն և ՌԴ-ն սերտ ռազմական համագործակցություն ունեն, որն ասիմետրիկ է Ադրբեջան-Թուրքիա համագործակցությանը, ապա Թուրքիան առաջարկում է ավելի խորացնել համագործակցությունը և մտադրություն հայտնում Նախիջևանում ռազմական բազա ստեղծելու վերաբերյալ»,-ասաց նա:

 

Արման Նավասարդյանը շարունակեց, որ թեև Թուրքիայում ասում են, որ համաձայն Ղարսի պայմանագրի՝ դա լրիվ իրագործելի է, որովհետև Թուրքիան կարող է իր ռազմական ուժերը տեղակայել Նախիջևանում, մինչդեռ համաձայնագրի 5-րդ կետը բացառում է որևէ ռազմական միավորման տեղադրումը:

«Իսկ 4-րդ հոդվածում ասվում է, որ եթե նման քայլի դիմեն Թուրքիան և Ադրբեջանը, ուրեմն վերանայվում են այն սահմանները, որ 20-ականներին ունեցել է Թուրքան: Այսինքն՝ կարող են կորցնել ամբողջականությունը, եթե նման քայլի գնան»,-ասաց նա:

Դեսպանի խոսքով՝ հիմա այդ բոլորից հետո հնարավոր է այդ քայլին գնան, թե ոչ, սա հարցի այլ կողմ է: «Թուրքերը հույս ունեն, որ այդ մտադրությանը ԱՄՆ-ն դրական կվերաբերվի, մինչդեռ, Նավասարդյանի գնահատմամբ, կասկածելի է:

«Ես անձամբ կասկածում եմ, գնում են այս քայլի՝ պատճառաբանելով քրդական հարցը, որ եթե ռազմական բազա լինի՝ կարգելափակվի քրդական շարժումը այդ տարածքներում, սակայն սա կնպաստի արտամղել քրդերին դեպի ՀՀ սահման: Թուրքական վարկածն ասում է, որ նրանք կարող են քրդերին տեղակայել Ադրբեջանի այն տարածքներում, որոնք գտնվում են Ադրբեջանի և Ղարաբաղի սահմանին՝ բուֆերային զոնա ստեղծելով»,-շարունակեց նա:

Արման Նավասարդյանի խոսքով՝ Իրանը բացարձակապես դեմ կլինի նման որոշման, որը լուրջ հետևանքներ կունենա: Այդուհանդերձ, ըստ նրա, նման հարցի արծարծումը պետք է հայկական կողմը ևս օգտագործի՝ պահանջելով վերանայել պայմանագիրը:

«Արդյոք պայմանագիրը կարիք չունի՞ վերանայման, լուրջ քայլեր պետք է անել՝ Նախիջևանը զերծ պահել նման ոտնձգություններից, որը լուրջ խնդիրներ կարող է առաջ բերել»,- ասաց նա:

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ