«Տեսակետ» մամուլի ակումբ - Սամվել Կարապետյանը՝ «փոխզիջման բարբաջանքների» ու Բլեյանի մասին

Մարտի 29-ին «Տեսակետ» ակումբում Հայկական ճարտարապետությունն ուսումնասիրող հիմնադրամի ղեկավար, հուշարձանագետ Սամվել Կարապետյանն ու ճարտարապետ Աշոտ Հակոբյանն անդրադարձան քարոզարշավի ժամանակ տարբեր ուժերի՝ Արցախի հարցի ու տարածքների վերադարձի վերաբերյալ դիրքորոշմանը:


Սամվել Կարապետյանը լկտի որակեց քարոզարշավը, իսկ փոխզիջման մասին խոսակցությունները բարբաջանք. «Եթե փոխզիջում են բարբաջում, թող իմանան, որ ի դեմս Հյուսիսային Արցախի կորստյան՝ փոխզիջումն արդեն եղել է: Այս միտքն ինչո՞ւ երբեք չի արծարծվում:

 


Մենք ազգային պետությո՞ւն ենք, թե՞ ոչ…»: Հուշարձանագետը կոչ արեց օգտվել Ադրբեջանի կողմից հայկական հուշարձանների բնաջնջումը ներկայացնող իրենց գրքերից, նաեւ ափսոսանք հայտնեց, որ մեր պետությունը չի ցանկանում օգտվել նման «զենքերից», իսկ ՀՀ արտգործնախարարությունը դեռ մի բան էլ «հայկական ուժերի վերահսկողության տարածքի ներքո գտնվող հուշարձաններ» ձեւակերպմամբ խմբագրումներ է անում: «Հայկական տարածքները ազատագրվել են ադրբեջանական գաղութատիրությունից, եւ ես տարակուսանք եմ ապրում, որ կան ուժեր, որոնք հեգնում են ազատագրված հայրենիք եւ սրբազան հող որակումները:

 


Դա պարտվողական քաղաքականություն է…Մինչեւ հիմա ականջս ծակում է նաեւ ժամանակին Բաքու գնացած ու վերադարձած Աշոտ Բլեյանի այն հայտարարությունը, թե Բաքվի հյուրանոցի իր համարից ինչպես է նայել ծովում լողացող օվկիանոսային նավերին, ու ասել՝ մենք ո՞վ ենք, որ սրանց հետ ոտք մեկնենք»:

 


Ճարտարապետ Աշոտ Հակոբյանն էլ տարակուսանք հայտնեց, որ ժողովուրդն անտարբեր է տարածքների վերադարձից խոսող ուժերի հայտարարությունների հանդեպ: Նա հիշեց, թե ինչպես ժամանակին Գյումրիում լոլիկներով դիմավորեցին Գորբաչովին:

 

Ամբողջական հոդվածը կարող եք կարդալ այս հասցեով՝ http://www.aravot.am/2017/03/29/871747/

 

Հոկտեմբերի 18-ին, ժամը 13.00 «Տեսակետ» մամուլի ակումբի հյուրն է Արցախի խորհրդարանի նախկին պատգամավոր Վահրամ Աթանեսյանը: Թեման՝ «Արցախյան հիմնախնդիր. կարգավորման գործընթացը և հայկական երկու պետությունների առջև նետված մարտահրավերները: ԵԱՀԿ ՄԽ համանախագահների այցը տարածաշրջան, Ադրբեջանի հայտարարությունները, հնարավոր զարգացումներ»:  

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ