«Տեսակետ» մամուլի ակումբ - Ես որևէ տեղ ներկուսակցական լարվածություն չեմ տեսել. Վարդան Այվազյան lurer.com

 

Այսօր՝ մարտի 23-ին, «Նախընտրական իրավիճակ, քարոզարշավի ընթացքը, ծրագրեր, նպատակներ. բանախոսի գնահատականներն ու վերլուծությունները»թեմայով հանդիպմանը, ՀՀԿ պատգամավորության թեկնածու Վարդան Այվազյանը խոսեց առաջիկա ընտրությունների, ընթացող քարոզարշավի, ինչպես նաև նպատակների մասին:

Նա նշեց՝ իրենց խնդիրը պետության, ժողովրդի անվտանգությունն է, սոցիալական, տնտեսական խնդիրները: Վարդան Այվազյանն առանձնացրեց հատկապես Կոտայքի մարզում աշխատատեղերի խնդիրը:

Անդրադառնալով երեկ Սամվել Բաբայանի ձերբակալության միջադեպին, պատգամավորը նշեց.

«Համոզված եմ, որ կփորձեն քաղաքական կոնտեքստ տալ այս ամենին, սակայն ես զերծ եմ մնում նմանատիպ վերլուծություններից: Հուսով եմ, որ շատ կարճ ժամանակահատվածում այս խնդիրը կգտնի իր տրամաբանական հանգուցալուծումը: Չեմ կարծում, որ Հայաստանի անվտանգության ծառայությունը կարող է չճշտված տեղեկություն տարածել, ավելի լավ է թողնենք իրավապահները զբաղվեն»։

Վարդան Այվազյանը չի կիսում «Օհանյան-Րաֆֆի-Օսկանյան» դաշինքի ներկայացուցիչների պնդումները, որ Սամվել Բաբայանի ազատազրկումը նպատակ ունի խոչընդոտել ընդդիմադիր դաշինքի մուտքը՝ խորհրդարան. «Այդ ուժն այդքան ռեյտինգ չունի։ Ես ինքս երկու սոցիոլոգիական հարցում եմ արել, և սոցիոլոգները կարող են դա փաստել»:

Հարցին՝ ինչի՞ հետ են կապված ՀՀԿ-ի տարբեր ներկայացուցիչների միջև տեղի ունեցող միջադեպերը, ՀՀԿ պատգամավորի թեկնածուն նշեց. «Թե՛ կուսակցական, թե ներկուսակցական լարվածություն՝ ես որևէ տեղ չեմ տեսել: Դրանք, կարծում եմ, սովորական միջադեպեր են եղել, որոնք քաղաքականացվել են: Այս շրջանում հասարակությունը շատ ավելի լարված է, կրքերը լարված են, ամեն ինչ կապվում է ընտրությունների հետ: Այնտեղ, որտեղ մենք ենք քարոզչություն իրականացնում, մեր ընտրատարածքում նման բան չի եղել»:

Հոկտեմբերի 18-ին, ժամը 13.00 «Տեսակետ» մամուլի ակումբի հյուրն է Արցախի խորհրդարանի նախկին պատգամավոր Վահրամ Աթանեսյանը: Թեման՝ «Արցախյան հիմնախնդիր. կարգավորման գործընթացը և հայկական երկու պետությունների առջև նետված մարտահրավերները: ԵԱՀԿ ՄԽ համանախագահների այցը տարածաշրջան, Ադրբեջանի հայտարարությունները, հնարավոր զարգացումներ»:  

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ