«Տեսակետ» մամուլի ակումբ - Պետական կառույցներում աշխատողները գաղտնի նամակ են գրում «Ելքին» եւ աջակցություն հայտնում

Այսօր հրավիրած ասուլիսում «Ելք» դաշինքի անդամ Զարուհի Բաթոյանն ասաց, որ «Ելքը» միակ քաղաքական ուժն է, որն իր ծրագիրն ունի աուդիո եւ ժեստերի լեզվի տարբերակով, մատչելի է տեսողության եւ լսողության խնդիրներ ունեցողների համար. «Քաղաքական ուժերը մոռանում են, որ ՀՀ-ում կա մոտ 200 հազար հաշմանդամություն ունեցող անձ, որոնց քվեն նույնպես շատ կարեւոր է»: Խոսելով «Ելքի» քարոզարշավի մասին՝ նա նշեց, որ մարդիկ շատ ջերմ են ընդունում իրենց, բակային հանդիպումների ժամանակ պատուհաններից են հետեւում, նամակներ են ուղարկում. «Նաեւ անհավանական նամակներ ենք ստանում, որ երբեք չես մտածի, որ այդ կառույցում աշխատող մարդիկ համակրում են մեզ եւ պատրաստ են ձայնը տալու»:

 

Aravot.am-ը Զարուհի Բաթոյանից հետաքրքրվեց՝ ի՞նչ անհավանական նամակներ են ստացել եւ ո՞ր պետական կառույցում աշխատողներն են թաքուն նամակ գրում «Ելքին» ու հայտնում իրենց աջակցությունը: Նա պատասխանեց. «Ինձ մարդիկ են գրում, որ ասում են՝ ես երբեք ընտրությունների չեմ գնացել, բայց այս անգամ գնալու եմ ընտրելու: Այդ տիպի նամակները շատ- շատ են: Նամակներ ունենք, որ հարցնում են՝ ինչո՞վ կարող ենք օգնել: Տարբեր քաղաքներում մարդիկ անվճար տարածքներ են տրամադրել՝ շտաբի համար:

 

Պատրաստ են իրենց աջակցությունը տարբեր կերպ ցուցաբերել, մեկը տարածք է տալիս, մեքենաներ են տրամադրում, տեխնիկական աջակցություն են ցուցաբերում՝ դա կարող է լինել տեսահոլովակների նկարահանում, կայքերի ստեղծում՝ տարբեր թեկնածուների համար: Իսկ պետական կառույցներում աշխատող մարդիկ կան, որ երբեք չես սպասի, բայց ասում են՝ գիտես, եղբայրս այսինչի ընկերն է, նրան է ընտրելու, բայց մեր տան մյուս անդամները «Ելքին» են ընտրելու, քեզ են ընտրելու: Այդ մարդիկ որեւէ շահ չունեն ոչ ինձնից, ոչ «Ելքից», հետեւաբար, պարզ է, որ անկեղծ են, որեւէ մեկը նրանց չի ստիպում դա անել»: Սա, ըստ Զարուհի Բաթոյանի, շատ կարեւոր է, մարդիկ «Ելքին» վստահում են ու հույսեր են կապում:

 

Ամբողջական հոդվածը կարող եք կարդալ այս հասցեով՝ http://www.aravot.am/2017/03/21/868634/

 

Հոկտեմբերի 18-ին, ժամը 13.00 «Տեսակետ» մամուլի ակումբի հյուրն է Արցախի խորհրդարանի նախկին պատգամավոր Վահրամ Աթանեսյանը: Թեման՝ «Արցախյան հիմնախնդիր. կարգավորման գործընթացը և հայկական երկու պետությունների առջև նետված մարտահրավերները: ԵԱՀԿ ՄԽ համանախագահների այցը տարածաշրջան, Ադրբեջանի հայտարարությունները, հնարավոր զարգացումներ»:  

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ