«Տեսակետ» մամուլի ակումբ - Յուրի Բաղդասարյանի «ԽՍՀՄ-ի կործանումը» գիրքը հանձնվել է ընթերցողների դատին

Լույս է տեսել մանկավարժ, մեթոդիստ, «Բաքուն և հայերը» գրքի հեղինակ Յուրի Բաղդասարյանի նոր՝ «ԽՍՀՄ-ի կործանումը» գործը: Գրքի մասին հեղինակը խոսեց մարտի 20-ին լրագրողների հետ հանդիպմանը:

 

«Եթե ստրկատիրական հասարակությունում ստրուկներին վաճառում էին, ապա Խորհրդային Միությունում շատ ժողովուրդների, այդ թվում նաև հայերին կարող էին զրկել ամեն բանից և անպատիժ մնալ: Նմանատիպ գործընթացները  հովանավորում էր Կրեմլը: Վաղուց էի ցանկանում գրել ԽՍՀՄ-ի պատմության և կործանման մասին, և երկար աշխատանքից հետո ստեղծվեց այս գիրքը»,-«Արմենպրես»-ի հաղորդմամբ՝  նշեց Յուրի Բաղդասարյանը:

 

Հեղինակը 19 կետ է նշում, որոնք ԽՍՀՄ-ի փլուզման պատճառ են դարձել: «Այն կործանվեց Արևմուտքի ջանքերով, Խորհրդային Միության ղեկավարների անշրջահայացության, տնտեսական ու արտաքին քաղաքական ճգնաժամի, ազգամիջյան կոնֆլիկտների և այլ խնդիրների պատճառով»,-ասաց նա:

 

Բաղդասարյանի խոսքով`ընթերցողներին նյութը լիարժեք ու ամբողջական մատուցելու համար ինքը իրադարձությունները ներկայացրել է Պետրոս Առաջինի ժամանակաշրջանից:

 

Հեղինակն ընդգծեց, որ գիրքը գրելիս օգտվել է տարբեր աղբյուրներից` արխիվներից, հանրագիտարաններից, վավերագրական նյութերից:

«Իմ աշխատություններով ձգտում եմ անցյալը միացնել ներկայի և ապագայի հետ, ազգովի հանդուրժողականություն սերմանել ու բարի գործերով շարժվել առաջ, քանի որ երկրի վրա չարիքը շատ է, և աշխարհին բարոյական մաքրություն ու անկեղծություն է անհրաժեշտ»,- շեշտեց հեղինակը:

 

Գիրքը կարելի է գտնել Երևանի գրախանութներում և գրադարաններում:

 

Յուրի Բաղդասարյանը ծնվել և մեծացել է Բաքվում: Նա ՀՀ քաղաքացի է եղել, սակայն անգամ սումգայիթյան ջարդերից հետո շարունակել է ապրել Բաքվում: 52 տարեկանում տեղափոխվել է Հայաստան: Մասնակցել է Ադրբեջանում տեղի ունեցած ցույցերին՝ փորձելով ըմբռնել հայերի դեմ ադրբեջանցիների տրամադրվածությունը, և հասկացել է, որ նրանք նպատակադրված են վերացնել հայերին։

lragir.am

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ