«Տեսակետ» մամուլի ակումբ - Դավիթ Գասպարյանը մեջբերեց հայտնի երգը. «7 յար ունեմ, 7-ն էլ սիրուն, 7-ն էլ աննման» (Տեսանյութ)

Մարտի 13-ին «Տեսակետ» մամուլի ակումբում հյուրընկալվել էին բանասիրական գիտությունների դոկտոր, պրոֆեսոր, արվեստի վաստակավոր գործիչ, գրականագետ Դավիթ Գասպարյանն ու ՀՀ վաստակավոր արտիստ Ռուբեն Կարապետյանը: Դավիթ Գասպարյանն առաջարկեց Եղիշե Չարենցի ծննդյան 120-ամյակը շնորհավորել. «Չարենց, ծնունդդ շնորհավոր» արտահայտությամբ եւ ծափերով: «Չարենցի հետ հոբելյանական է դառնում նաեւ 37 թիվը՝ Ստալինյան բռնաճնշման 80-րդ տարելիցը»,-փաստեց գրականագետը: Նա ուրախությամբ նշեց, որ 2012-ին հրատարակված եւ մեծ աղմուկ հանած իր «Գիրք մնացորդացը» վերջապես կհասնի ընթերցողին. «Ցավոք գիրքս այս ժողովրդավար դարաշրջանում կալանավորի կարգավիճակով էր» Ռուբեն Կարապետյանն էլ խոսեց Չարենցի 120-ամյակին նվիրված ելույթ-մենախոսությունից, որը կկայանա «Գոյ» թատրոնում: Արվեստագետն ասաց, որ հպարտ է, որ կարողացել է Չարենցից մի պտղունց վերցնել: Նաեւ նշեց, թե Չարենցը 7 դուռ է բացում, նա մի մարդ էր, որ իրեն նվիրեց մշակույթի վաղվա օրվան եւ մեր մշակույթը մաքրեց ավելորդ տատասկներից: Դավիթ Գասպարյանը ընդդիմացավ Ռուբեն Կարապետյանի` Չարենցի վերաբերյալ ասած «7 դուռ » արտահայտչությանը: «Եթե նրա սիրած կանանց մասին հայտնի երգի բառերով ասվեր՝ 7 յար ունեմ, 7-ն էլ սիրուն, 7-ն էլ աննման, դա ավելի ճիշտ կլիներ: Չարենցը ոչ թե 7 դուռ է բացել, այլ անսահման դռներ, նա Երեւանը դարձրել է գրական մայրաքաղաք»,- շեշտեց գրականագետը: Հավելենք, որ Չարենցի հոբելյանի առիթով իր ֆեյսբուքյան էջում յուրատեսակ նախաձեռնությամբ էր հանդես եկել նաեւ Երեւանի կինոյի եւ թատրոնի ինստիտուտի ռեկտոր Դավիթ Մուրադյանը: Նա իր բոլոր ընկերներին առաջարկել էր Չարենցյան որեւէ տող դնել իր գրառման տակ եւ սեփական էջերում: 

Ամբողջական հոդվածը կարող եք կարդալ այս հասցեով՝ http://www.aravot.am/2017/03/13/865171/ 


Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ